عیسیٰ علیہ السلام کے بارے میں نصرانیوں کا کہنا التوبہ میں درج ہے فرمایا
وَقَالَتِ النَّصٰرَى الْمَسِيْحُ ابْنُ اللّٰهِ
اور نصاریٰ نے کہا مسیح (علیہ السّلام ) اللہ کے بیٹے ہیں
(التوبہ30)
یہ عقیدہ اسلام کی تعلیم کے برعکس ہے، جس میں ہر شخص کو اپنے اعمال کا جواب دینا ہے، اور کوئی کسی دوسرے کا بوجھ نہیں اٹھائے گا۔
اسلامی عقیدہ کیا ہے؟
عیسیٰ علیہ السلام اللہ کے نبی اور رسول ہیں۔ وہ اللہ کے بندے ہیں، اللہ کا کوئی بیٹا نہیں، ان کی پیدائش معجزانہ تھی (بغیر باپ کے)، مگر وہ بشر تھے۔ انہیں نہ قتل کیا گیا نہ صلیب دی گئی بلکہ اللہ نے انھیں آسمان پر اٹھا لیا۔ وہ قیامت سے پہلے دوبارہ آئیں گے۔
إِنَّمَا ٱلْمَسِيحُ عِيسَى ٱبْنُ مَرْيَمَ رَسُولُ ٱللَّهِ وَكَلِمَتُهُۥٓ أَلْقَىٰهَآ إِلَىٰ مَرْيَمَ وَرُوحٌۭ مِّنْهُ ۖ
مسیح عیسیٰ ابن مریم اللہ کے رسول ہیں، اور اس کا کلمہ اور اس کی طرف سے ایک روح
(النساء 171)
وَاِنَّهٗ لَعِلْمٌ لِّلسَّاعَةِ فَلَا تَمْتَرُنَّ بِهَا وَاتَّبِعُوْنِ ۭ ھٰذَا صِرَاطٌ مُّسْتَقِيْمٌ
اور یقیناً وہ (عیسیٰ علیہ السّلام ) قیامت کی ایک نشانی ہیں تو (لوگو ! ) تم اس میں شک نہ کرو اور میری پیروی کرتے رہو یہی سیدھا راستہ ہے۔
(الزخرف61)