کیا اللہ بغیر انصاف کے کسی کو سزا دیتا ہے؟

نہیں، اللہ تعالیٰ کبھی بھی کسی پر ظلم نہیں کرتا، نہ ہی بغیر انصاف کے کسی کو سزا دیتا ہے۔
اللہ عادل ہے، ہر چیز کو عدل و انصاف سے تولتا ہے، اور قیامت کے دن ہر انسان کو اس کے اپنے عمل کے مطابق جزا یا سزا ملے گی۔

اللہ تعالیٰ فرماتا ہے

وَمَا ٱللَّهُ يُرِيدُ ظُلْمًۭا لِّلْعَـٰلَمِينَ
اور اللہ تو جہان والوں پر ہرگز ظلم نہیں چاہتا۔
(آل عمران 108)

ایک اور مقام پر فرمایا

إِنَّ ٱللَّهَ لَا يَظْلِمُ مِثْقَالَ ذَرَّةٍۢ
یقیناً اللہ ایک ذرہ کے برابر بھی ظلم نہیں کرتا۔
(النساء 40)

یعنی اللہ تعالیٰ کا انصاف اتنا مکمل ہے کہ ایک رتی برابر بھی زیادتی نہیں کرتا۔ نہ کسی کا عمل ضائع کرتا ہے، نہ کسی بےگناہ کو سزا دیتا ہے۔

قیامت کے دن بھی اللہ تعالیٰ سب کے اعمال تولے گا، اور مکمل انصاف سے فیصلہ کرے گا

وَنَضَعُ ٱلْمَوَٰزِينَ ٱلْقِسْطَ لِيَوْمِ ٱلْقِيَـٰمَةِ فَلَا تُظْلَمُ نَفْسٌۭ شَيْـًۭٔا
اور ہم قیامت کے دن عدل کے ترازو رکھیں گے، تو کسی جان پر ذرہ برابر بھی ظلم نہ ہوگا۔
(الأنبياء 47)

اللہ تعالیٰ سراپا عدل ہے، کبھی ظلم نہیں کرتا، اور ہر جزا و سزا عدل و انصاف کے ساتھ ہوتی ہے۔
لہٰذا مومن کو چاہیے کہ اللہ کے عدل پر کامل یقین رکھے، اور نیک اعمال کرے تاکہ وہ اس کے عدل و فضل کا مستحق بن سکے۔