صلوۃ کے بعد اجتماعی دعا نبی ﷺ سے ثابت نہیں بلکہ یہ بعد میں ایجاد کی گئی رسم ہے، لہٰذا یہ بدعت ہے۔ نبی کریم ﷺ نماز کے بعد مسنون اذکار پڑھ کر فوراً مصلے سے اٹھ جاتے تھے اور فرض صلوۃ کے بعد اجتماعی دعا کا اہتمام کبھی نہیں کیا۔
جب اللہ اور اس کے رسول ﷺ نے اجتماعی دعا نماز کے بعد مقرر نہیں فرمائی، تو کسی کو حق نہیں کہ اسے دین کا حصہ بنائے۔
أَمْ لَهُمْ شُرَكَآءُ شَرَعُوا لَهُم مِّنَ ٱلدِّينِ مَا لَمْ يَأْذَنۢ بِهِ ٱللَّهُ
“کیا ان کے ایسے شریک ہیں جنہوں نے ان کے لیے دین میں وہ باتیں مقرر کر دیں جن کی اللہ نے اجازت نہیں دی؟”
(سورۃ الشورى: 21)
نبی ﷺ جب سلام پھیرتے تو تھوڑی دیر اپنی جگہ بیٹھے رہتے، پھر اٹھ کر چلے جاتے۔ نبی ﷺ نے کبھی نماز کے فوراً بعد اجتماعی دعا نہیں کی، نہ صحابہؓ نے کی۔ جو عبادت آپ ﷺ نے نہیں کی، اسے دین بنانا بدعت ہے۔ ابو بکرؓ، عمرؓ، عثمانؓ، علیؓ اور دیگر صحابہؓ کا عمل یہ تھا کہ وہ نماز کے بعد انفرادی طور پر اذکار کرتے اور چلے جاتے، اجتماعی دعا نہیں کرتے تھے۔
اجتماعی دعا کا فعل و التزام رسول اللہ ﷺ، صحابہؓ، تابعینؒ سے منقول نہیں۔ نماز کے بعد اذکار مسنون ہیں، لیکن اجتماعی دعا کرنا بدعت ہے۔ جو عمل نبی ﷺ اور صحابہؓ سے نہ ہو، وہ دینی عمل نہیں بلکہ بدعت ہے۔